කතාවෙ තවත් චරිත දෙකක් ඉන්නවා. එකෙක් කෙල්ලගෙ තාත්තගෙ ගෝලයෙක්, අනිකා කෙල්ලෙගෙ අළුත් ප්රේමවන්තයා. දෙන්නටම ඕනේ බිදුණු හදවතක් ඇති ප්රේමවන්තයව කාන්තාරය මැද සාක්ෂි නැතුවම shut down කරල දාන්න. හැබැයි උන් දෙන්නගෙ අරමුණු ස්වාධීනයි, අඩුමතරමේ එකම අභිප්රායක් වෙනුවෙන් තවත් එකෙක් ඇදෙන බව අනෙකා කොහෙත්ම දැන සිටියේ නෑ. ඒත් මෙන්න මේ කියන දවසේ රෑ දෙන්නම හිටියෙ බිඳුණු හදවතක් ඇති ප්රේමවන්තයාගේ කූඩාරම දෙපැත්තේ, හැංගිලා, ඉව අල්ලන හයිනාවුන් දෙන්නෙක් වගේ, වෙලාව එනකම්.
මුළින්ම වැඩ ඇල්ලුවේ අළුත් ප්රේමවන්තයා. ඔහු කූඩාරම ඇතුළට රිංගනකොට බිඳුණු හදවතක් ඇති ප්රේමවන්තයා විරහ හීන බල බල ගොරව ගොරව නිදි. ඉතින් අපේ ප්රේමාන්විත ඝාතකයට පුළුවන් වුණා කරදරයක් නැතුව පොටෑසියම් සයිනයිඩ් ටිකක් වතුර බෝතලයට දා ගන්න.
ඒ බව දන්නේ නැති ගෝල මැරයා කලේ ඊට පැය බාගයකට විතර පස්සෙ ඇවිත් වතුර බෝතලේ තිබුණු වතුර/වස ටික හලපු එක. ඔහුට ඕනෑ උනේ හදවත බිඳුණු ප්රේමවන්තයා විජලනයෙන් මැරෙනවා දකින්න.
කොහොමහරි අසරණ කතා නායකයා වතුර හොයනකොට බෝතලේ හිස්. ඊළඟ දවසෙ දවල් වෙනකොට ඔහු -විරහ වේදනාව කෙසේ වෙතත් පිපාසයෙන්- මළා.
කෙල්ල ආයෙත් පැත්ත මාරු කළා, සාක්ෂි දුන්නා, දැන් තාත්තාගෙ ගෝලයයි අළුත් ප්රේමවන්තයයි දෙන්නම උසාවියේ. නඩුකාරයට තරු විසිවෙලා. ඇයි ... ?
1. අළුත් ප්රේමවන්තයා මරණයට වැරදිකාරයා නෙවෙයි. මොක්ද මරණයට හේතුව වස නෙවෙයි.
2. ගෝලයත් මරණයට වැරදිකාරයා නෙවෙයි. මොකද ඔහු හැළුවෙ වතුර නෙවෙයි.
කරුණාකර නඩුකාරයට උදව් කරන්න.
No comments:
Post a Comment